معاشرے میں کرپشن اور کرائم کے بڑھنے کی بڑی وجہ عام طبقہ کی وکلاء تک رسائی کا نہ ہونا ہے۔جس سے عام آدمی چھوٹے چھوٹے معاملات میں پریشان، اپنے حق سے محروم اور انصاف کے حصول میں بے بس ہے۔ پاکستان میں فر ی لاء کیمپس کا آغاز سے عام آدمی وکلاء کیساتھ مشاور ت اور درست رہنمائی کے ذریعے اپنے قانونی مسائل خود حل کرنے کے قابل ہو جائے گا۔لاء کیمپس کا ماڈل میڈیکل فری کیمپس سے حاصل کیا گیا ہے جس سے صحت کی سہولیات سے محروم طبقہ، بھاری فیسوں کی ادائیگی کے بغیر ہی قابل اورنامور ڈاکٹرز کی ماہرانہ تشخیص سے فائدہ اٹھا تا ہے۔بالکل اسی طرح لاء کیمپ کا مقصد وکلاء کی بھاری فیسوں سے خوفزدہ طبقہ کوسپریم کورٹ، ہائی کورٹ لوئر کورٹ اور دیگر کورٹس کے ماہرین وکلاء کیساتھ مفت مشاورت اورراہنمائی کے مواقع پیدا کرنا ہے۔ اینٹی کرپشن اینٹی کرائم فورم پاکستان فری لاء کیپس کا سلسلہ بڑے شہروں سے لے کر گلی، محلوں،گاؤں اورپسماندہ علاقوں تک پھیلائے گا۔